Mwan ki zis anvi viv sap dan sa trazedi
Mo leker mo lintelizans toultan azite
Sel dezir mo enan se epanwi ek ekziste
Aswa kouman
lizour mo tann bann lavwa
Melodi
melankolik mo ser ek fre ki san drwa
Seki kapav ed zot laport reste fermin
Zot dir ki
sakenn kondanin dan so destin
Parfwa mo gagn bann drol alisinasion
Mo trouv enn lemond meyer dan enn vizion
Dan mo rev tou manb bann fami viv desaman
Leker imin reaprann kouman exprim lemerveyman
Detanzan enn sante mistik fer mo lespri planin
Dan enn
vwayaz astral mo trouv to lasenn inn kase
Ver selwi ki
pe soufer touzour kikenn tal so lamin
Anfin limonite pou kapav avanse dan lakorite
Mo enn fou omilie bann bon lespri
Silvouple appel enn sikolog konpetan
Mo anvi vinn normal ek profit mo lavi
Tou afekte
mo panse kouman mo konportman
Seki mo dir li bizar toultan mo pe koz lamour
Mo kontign persi krwar ki imin la pou li ere
Tro souvan mo trouv mwan pe sant enn drol diskour
Parfwa mo enan linpresion dan enn dezer pe kriye
Depi mo tipti enn lesperans etranz gard mwan an mouvman
Mo pa konnin kifer mo anvi sak dimounn al de lavan
Kisennla pou kapav sap mwan dan sa patolozi
Mo krwar mo enn fou omilie bann bon lespri
 |
| Le Désespéré (1843-45) Gustave Courbet |
No comments:
Post a Comment