Bondie donn mwan la sazes

Depi ki mo tipti e ki mo kone to ekziste mo pe rod twa.

Mo’nn koz avek bann grandimounn pou mo kone ki simin bizin pran pou dekouver twa,

Dan mo lizie to me mena plis gran valer,

To mem mo’nn soizir pou gid mo leker dan saler kouman dan freser.

Pou bann dimounn ki autour mwan e ki mo kontan,

Mole ki mo enn model e montre zot ki mo rekonesan.

mo paran mole ki zot touzour fier de mwan,

e ki mou ekout zot e gard zot latet ot touletan.

Bondie donn mwa laforsnpou mo lite pou mo amenn sanzman,

Fer ki mo aksepte seki bizin res parey pou touletan.

Donn mwan la sazes pou fer la deferans ant lede,

Parski parfwa mo kapav pa reflesi konsekans ek fonse.

Mo kone mo bizin aprann dir pardon,

E devan lamizer touzour resanti la konpasion.

Mole pa tranble pou dir : « Mo kontan twa ! »

E touzour exprim seki mo resanti o fon de mwa.

Avan ki mo koze fer ki mo tourn mo lalang set fwa dan mo labous,

Fer ki mo respekte leritaz nou bann zanset et ki touzour remont ziskan la sours.

Parfwa mo kapav azir avek pasion,

E apre so rezilta se amenn divizion.

Mo kone ki ena plis kitsoz ki kapav rasanble,

Mem si seki diviz nou pli profit bann orgeye.

Mo dir ban seki enan lamour pou mwan priye pou ki limite pou mwan li enn gran rises.

E pou ki touzour mo kapav akeyir dan mo leker la sazes.

écrit +Jean Rex Casimir

(kan mo ti pe ekrir sa poem la mo ti pe pans mo bann kamarad spesialman Jean Noël Jolicoeur)

8 septam 2011