Pou fer seki
to vreman anvi?
Tou seki bon
pou twa dan to lespri,
Pou fonse mem
kan tou paret inposib.
Eski
to pa enn esklav,
Enn sinp
esklav parmi lezot esklav?
Eski
to pa enn sinp prodwi lasosiete,
Ki inn sibir
bann inzeksion bann fos mantalite?
Eski
to pa enn esklav, esklav to prop lorgey,
Esklav
larzan, esklav bagaz, esklav somey?
Eski
to pa esklav gourmandiz to lekor,
Esklav
sex, manze, lalkol, ek tou seki detrir to lekor?
Si to lib
kifer se lezot ki menn twa a la baget?
Dan
zot lamin to kouman enn sinp poupet.
Kifer
to lozik azir li : « Ki dimounn pou dir ? »
Eski se
vreman twa ki desid de to lavenir?
Kifer
to pas plis lenerzi defan bann lide ki pa pou twa?
E
kan to dan pins, to dekouver ki devan zot lizie to pas pou enn
inbesil.
Koman
malgre to lintelizans dan to lakaz enn lot ki lerwa?
To
fer seki dir twa, mem kan to pa anvi to res trankil.
Bien souvan
to enan doub langaz,
Kan
to fonse, fasil tonm dan seraz.
To
dir to inik alors ki to fer tou pou resanble lamas,
Se
zis foste ki to trouve kan to get twa dan laglas.
Devan
linzistis parfwa to prefer pa azir,
Parski sa pou
demann twa enn zefor siplemanter.
To
get figir pou to bouze, fer kitsoz avanse,
Bien souvan
ek enn ta fos pretex to tourn ledo ek ti malere.
To leta
natirel se laliberte ek viv an pe,
Me parfwa
brit brit to modle pa sosiete.
Enn lavi li
zis ase pou trouv leboner,
Li enn
gaspiyaz si to pas letan pou pler.
Lavi li enn
listwar damour,
Ki
bizin viv ek bravour.
Kan
to krwar ki tou posib,
Pran letan demann tomem: eski to lib?
