Ki
mo ete,
Samem
kestion ki lakle,
Fer
mwan Konin kot mo sorti,
Ek kot sa mo pe
ale dan mo lavi.
Eski mo zis enn
nom,
Zis rezilta bann
siksesion sitiasion ?
Eski mo zimaz de
mo paran,
Pir rezilta de
mo ledikasion ?
Mo pran enn
letan pou mo boner,
Mo desann dan
pli profon mo leker.
Dan
silans mo pran konsians,
Dekouver
sans mo lekzistans.
Mo
explor mo linteryer,
Sa
ed mwan konpran seki exteryer.
Avek
mo kalite ek defo,
Mo dekouver dan
mwan enn ero.
Pli mo avanse
pli mo dekouver momem,
Mo
fer sa san blokaz san problem.
Dan
laglas mo trouv mwan enn lot manier,
A
wi mo enn trezor enn gran mister.
Tel ki mo ete,
Mo kontan mo
lidantite.
Mo enan lamour
pou mwan,
Sa ed mwan al
ver lezot ek aprann kontan.
Kouman mo ete,
Mo anbras
limanite.
Avek lizie mo
leker,
Mo kapav trouv
tou imin kouman mo frer, mo ser.
Konn momem li
dir tou mo lavi,
Konesans personel
pou mwan enn defi.
Mo grandi dan mo
lidantite,
Touzour mo
demann mwan ki mo ete ?
+Jean Rex
Casimir
Zedi 26 Zin 2014
