SEKI BIEN SEKI VRE EK SEKI ZOLI

Seki bien seki vre ek seki zoli

Seki nou akey sans nou lavi

Gard linite dan nou leker

Ek sak zour dir wi nou boner

Samem seki bien

Ki nou mars ver nou destin

Semin trase par nou pa

Kan nou avan ek lafwa

Nou lib pou fer le bien

Swazir seki meyer

Evit bann swa ki amenn dan petrin

Sa koumans par kontan tou imin

Samem seki vre

Saki la pou leternite

Laverite nou lalanp

Ki evit nou pran laranp

Li ran nou lib

Pou swazir ant seki neseser ek posib

Kouman li trist kan nou manti noumem,

Lavi li enn zoli poem

Samem seki zoli

Kan nou ini

Kan enan larmoni anda ek deor

Fer lape se pli zoli trezor

Par nou aksion,

Nou amen transformasion

Lesperans nou monter

Enn gran dife briyer dan liniver

Nou prosin enn mister,

Enn sirpriz, enn fler.

Anou akey sans nou lavi

Seki bien, seki vre ek seki zoli


+Jean Rex Casimir 
Samdi 2 Zanvie 2016