Lavi li enn semin

Lavi li enn semin,

Ki amenn bien bien lwin.

Seki fondamantal se ki nou avanse,

Ki li lor plato, ladesant ou lamonte.

Kan nou pa avanse,

Nou reste bloke ek mem rekile.

Nou devwar se ki nou al ver lamelyorasion,

Al an avan dousman me sirman.

Pa serti narnien galoupe pou ariv premien,

Nou sel adverser se noumem.

Li kapital ki nou panse seki feb, trap so lamin,

Selwi ki nou ede, demin pou kapav tir nou dan problem.

Lavi li enn semin,

Sak letap enan so koumansman ek so lafin.

Nou penan pou prese,

Letan inn fer pou nou medite ek apresie.

Li esantiel nou reste dan letan,

Fer seki meyer a sak moman.

Nou zamin sir seki pe atann nou,

Seki nou enan se liprezan ki devan nou.

Detanzantan enn konpagnon pou ale,

Les nou avek bon souvenir lepase.

Lerla nou devwar se fer konfians ek aksepte,

Sakenn enan so zistwar ek so liberte.

Sak dimounn se enn zistwar sakre,

Sak rankont lor nou larout li bien presie.

Kouman enn sel fami, nou pou zwenn a lafin,

Lavi li enn semin.

+Jean Rex Casimir 

Vivons ENSEMBLE

(DR)

Vivons ensemble,
Une humanité qui se rassemble!
Nous sommes de la même famille,
Tous différent mais tous unis!

Respectons-nous,
Aimons-nous!
Peuple de la terre,
Peuple de frères et sœurs!

Construisons des ponts,
Travaillons à l'unisson!
Que nul ne blesse l'autre
Parce qu'il vient d'un autre horizon que la nôtre.

De nos lances et nos fusils,
Forgeons des outils!
Soyons bâtisseur de justice et de paix,
D'un monde où triomphe la fraternité!

Que la liberté du vis-à-vis soit respecter,
Ne faisons rien qui puisse le scandaliser.
Le plus grand devoir est de prendre soin du prochain,
Quand il est faible, de lui tendre la main.

Fais pour l'autre ce que tu attends,
Sois patient lorsqu'il est différent.
En dignité chacun est égal, 
C'est inhumain de faire à l'autre ce qui est mal. 

Prêtes l'oreille à ton voisin,
Avec lui tu ne fais qu'un.
Renonçons à la haine sombre,
Vivons l'amour, vivons ensemble!

+Jean Rex Casimir
Samedi 17 janvier 2015

DEMIN

Demin

Li pa dan mo lamin.

Mo ignor seki pou ariv mwan,

Mo enan zis linstan prezan.

Ki mo pou ete,

Mo pa kapav prononse.

Posib mo pou enn serviter,

Ki pou lite pou enn mond meyer.

Kapav ousi ki mo pou enn pelerin,

Ki pou pas so letan lor semin.

Viv o zour lezour,

Inpe delo ek plin lamour.

Sa dir mwan ousi vwayaze,

Pass parsi parla explore.

Mo kontan bann nouvo lamitie ek dekouvert,

Se enn lazwa viv bann nouvo nouvo levennman.

Yer li kouman delo ki ale anba pon,

Seki reste se zis souvenir ek lemosion.

Lefitir li kouman lorizon ki bien elwanie,

Seki la se later ki anba nou lipie.

Li pa serti narnien ki mo strese,

Galoup isi laba fer sesi fer sela kan letan pe pase.

Okontrer li inportan kan nou rest dan letan,

Profit enn maximum moman prezan.

Seki mo ete zordi dir seki mo pou ete demin,

Avek limilite mo zis kapav espere ek dir ki mo pa konnin.

Difil mo lavi dan lamin mo kreater,

Li la ek touzour dan mo leker li pou met lalimier.

Pou linstan sak ti segonn anou valorize,

Reflesi, rod seki meyer, profite san abize.

Mo inn vini mo pou ale kontign mo semin,

Mo persevere avek konfians pa kas latet ek demin.

+Jean Rex Casimir

Zedi 9 zanvie 2014