San fer tapaz lao li sintiye
Li partaz limem avek
limilite
So lalimier montre nou
direksion
So lekleraz ekler tou
sitiasion
Zour li ti ne tou
lesiel ti an fet
Antie liniver ti kourb
so latet
Se enn nouvo ler ti
koumanse
Bann zanfan ti sante ek
danse
Tipa tipa li’in devlol so lidantite
So reyon aksesib pou tou limonite
Li pa ti apartenir enn
zans vantar
Dan li pa ti enan konportman grannwar
Militant li pa ti per okenn obstak
Kan pou denonse okenn labistoulinn trak
Anba lesiel li ti enn letinsel lazistis
Zamin ou pou trouv li
azir ek malis
Letour li tou lepep ti
vinn resofe
Sete ousi so kalite viv latrankilite
Li ed bokou donn sans zot
lavi
Artis li ti enan don
pou fer grandi
Tou dimounn ti kapav profit so lanseignman
So karism ti ed sakenn devlop so talan
Bokou lezot zetwal inn briye akoz li
Bann ti pie inn pouse
ek donn bokou fri
Enn gran rises li lese
kouman leritaz
Zamin nou pou bliye so
gran temwaniaz
Seki li ti enan dan li
li inn donn nou
Ziskan aswar so pelerinaz li donn tou
