Mo Kreol Rodrige

Mo kreol Rodrige,

Langaz la liberte.

Mo koze san begeye,

Fer fars riye telman mo ere.

Li fer mwan vwayaze,

Fer mwan reve.

So parfin sarye mwan,

Li donn enn refle mo santiman.

Mo lang li inik,

E li telman exotik.

Li rakont enn zoli zistwar,

Kot lalimier pli for ki marenwar.

Mo lang enn pon,

Ant mwan ek mo zanset.

Fer mwan rapel premien zenerasion,

Enn gran lasours sazes inn transmet.

Kreol Rodrig lang intelizan,

Li pli for ki lespas ek letan.

So konpozision li bien kosmik,

Ek zoli zoli mo fer koustik.

Kreol Rodrige langaz lamour,

Koneksion fer san gran diskour.

Langaz lapolites ek zantiyes,

Enn sourir ase pa bizin bokou zes.

Mo lang se plis ki bann mo,

Se tou enn lar ki depas kad foto.

Se lang enn pep ki libere,

Mo amoure ek mo kreol Rodrige. 

Je sais que je ne sais rien

Je sais que je ne sais rien,

Dites vous si c’es mal ou bien.

Me posant pas de grandes questions,

Et ce n’est pas pour autant que je suis con !

Je vis ma vie sans m’ennuyer,

En prenant le temps de bien apprécier.

En chaque circonstance, je garde la joie,

Et toujours je me cramponne à ma foi.

Je ne perds pas mon temps, je m’occupe,

Vivant l’instant présent sans que rien ne me préoccupe.

Le temps n’est qu’un mot qui ne peut nous emprisonné,

Toujours ancré dans l’aujourd’hui, je choisi d’être heureux.

Sur la vie je ne connais pas de grande théorie,

Je la vis tout simplement, la vie c’est la vie.

La vie est pour moi faite de relations, une sociologie,

Un mélange savoureux d’idées, de pensées, une philosophie.

Mon existence, je la mène dans la lumière,

Avec tous mes principes et la sureté de mes valeurs.

Je témoigne de ce en qui je crois,

Je grandi de chacun de mes choix.

Croyant au miracle et à la magie de l’amour,

J’accueille comme un cadeau chaque jour.

L’amour garde mes pas en  tout instant,

Je le cultive et le cueille chaque moment.

Je ne me fatigue pas d’aimer, toujours sans grande fantaisie,

La sagesse qui me vient d’en haut me suffit.

Il me plait de bien faire et de faire le bien,

J’ai choisi l’humilité, je sais que je ne sais rien.

Lavi! Enn konba ant lebien ek lemal.

Lavi se enn konba ant lemal ek lebien,

Enn lalit ki koumans dan nou leker ek fer so semin.

Par nou latitid nou deside ki pou viktorye,

Nou parol ek nou aksion se refle seki nou panse.

Partou kote tann koz violans ek dinite ki bafoue,

La kot pe fer dibien okenn tapaz pa tande.

Dan tou pei dan lemond enan soufrans,

Frer touy frer ek swazir semin mefians.

Zonm saz, li apresie reflesi ek medite,

Pa so konportman li enn artizan lape.

Me deor laverite pa trouv so plas,

Me li montre seki nou ete kouman dan laglas.

Tou seki vini pou denonse zot masakre,

Akoz sa bokou vann zot lamour prop ek pas an mod diskre.

Kan ou koz sanzman dir ou enn revolisioner,

Fer ou labous pas an mod yesman, dir ou enn akter.

Lavi se enn konba ant lemal ek lebien,

O fon noumenm, de konbatan pe afronte.

Se touzour zonm ki lib pou swazir so semin,

Nou lib pou swazir ant perfeksion ek fot.

Pou zistifie sertin dir personn pa parfe,

Parski zot konin zot lavi ranpli ek malpropte.

Perfeksion se enn semin ki aksesib pou nou tou,

Nou enan pou swiv nou leker menm lezot dir nou fou.

Deryer tou konfizion enan enn montagn dout,

Se laper ki anpes nou fer nou larout.

Kan nou tonbe ek pa leve samenm ki fatal,

Lavi se enn konba ant lebien ek lemal.

Bananin tou dimounn

Ki zot epanwi kouman sa bwa Benzwin-la

Yer swar tou dimounn ti atann minwi ek inpasians,

Kan minwi ti paret lor revey inn pet petar pou pous malsans.

Bann zanfan zenn ek grandimounn tou ti dan lazwa,

Boner ti partou ek sakenn inn donn so paran ek zami enn ti ba.

Enn nou lanin komanse,

Soley 2013 zordi pe briye.

Enn nouvo larout ouver devan nou,

E nou lavi kontign roule kouman enn larou.

Dan lakour roti ek vinday inn fini pare,

Lor tou lateb bon konpot dan bol  pe mizote.

Mo ninnin ouver fermin pou respir sa bon parfin,

Dan fami tou dimounn zwenn letour enn bon repa pou dinin ek dezinnin.

Enn lanin inn pase, nou dir mesi Lesenier,

E nou espere ki sennla-la li pou meyer.

Sa lanin la pou amenn sanzman dan nou lavi,

Ek avek lazwa nou swet li labienvini.

Enan ki dan sa lanin la pou pran bann gran desizion,

Lezot pou zwenn lamour ek gagn enn bon ti kontan.

Enan lotbann ki pou avanse ek pas ver enn lot letap,

Ek anfin lezot dan zot lavi pou met serye ek vinn pli stab.

Bann nouvo pe prezant devan nou,

Anou pa per ek donn li plis gou.

Avek kouraz nou avans ver nou lavenir,

Ek travay pou nou pep konn enn bon fitir.

Enn lanin inn ale,

Enn lor inn arive.

Nou swete ki li pou bon pou nou tou,

Bananin tou dimounn.