Pou mwan zot vo plis ki
lor
Toultan zot fer mo
boner
Ek zot konstaman dan mo
leker
Mo manman mo papa
Mo larenn mo lerwa
Zot lexanp touzour gid
mwan
Fasonn mwan dan bon santiman
Mo bann frer mo bann
ser
Avek zot mo’nn viv bokou bon moman
Nou inn lite dan boner dan maler
Ek touzour nou inn al de lavan
Mo fami mo lekol
La kot mo inn aprann mo
rol
Dan enn bon latmosfer mo inn prospere
Ek se la ki mo inn gagn mo lidantite
Sours mo lasazes
Samenm mo pli gran rises
Touzour nou avanse ansanm
Ek par moman bien konn met laganm
Fami lagres etranze lapousier
Dan moman dir nou solider
Touzour res kole kouman ledwa lamin
Sakenn partisipe pou enn meyer landemin
Kot mo ale mo mazinn
zot
Sak lavwa rezonnin kouman
enn zoli not
Gras a zot mo enn zonm
for
Mo fami se mo trezor
No comments:
Post a Comment