Kan mo pran letan

(C)

Kan mo pran letan,

Poz mwan bann kestion.

Mo vremem emerveye,

Etone par tou seki ekziste.

Kot mo gete enan mouvman,

Partou enan lavi an ebilision.

Kestion ki mo poz mwan,

Ki lorizinn la kreasion?

Seki mo trouve dir mwan bokou,

Lor selwi ki inn kre tou.

Lavi touzour kontign so semin,

Zamin rekile touzour ver enn destin.

Dan mo leker,

Mo medit lor sa mister.

Mo dir « wow bizin inn enan enn koumansman »,

Enan enn gran pwisans ki inn azir dapre so plan.

Tou apel a letonnman,

Enan tro bokou rezon pou lemerveyman.

Enn premien zour li posib ek neseser,

Ek avan tou ti enan enn kreater.

Dan liniver enan enn gran larmoni,

Sa sirprenan toultan telman li zoli.

Sak kitsoz dan so plas,

Gete fer leker kontan, tro klas.

Ayo fami tou parfe,

Tousa se zom ki enan pou organize.

Rode, demande ek tape nou pou trouve,

Dan nou leker so lalimier pe eklere.

+Jean Rex Casimir

Samdi 21 Fevriye 2015