Trap mo lamin Lesperans
Sinon mo pou absorbe
par soufrans
San twa pa pou resi tini
kou
Avek twa ki pou viv mo enan
gou
Vini ek to zoli rob
kouler lamour
Pran mwan dan to lebra toulezour
Mo kontan trouv to zoli kolye lafwa
Sa donn mwan kouraz amenn mo lakrwa
Mo tonbe leve to tini mwan
Sa donn mwan kouraz al
de lavan
Mo konnin ek twa mo pou
al ziskan bout
Mo lavi nepli enn
routinn me enn larout
Tou pa pass kouman mo
oule
Anba pwa maler defwa mo pliye
Twa mo bon zami to redonn mwan konfians
Touzour to donn mwan enn sans
Enan zour mo anvi zet
lekor
Reste la atann lamor
Me to melodi dir mwan
leve
« Leve ek kontign
avanse »
To regar toultan enn regar tandres
Tou to bann konsey ranpli ek sazes
Mo dir twa mersi zamin to ziz mwan
Kan mo negatif to pasifie mo santiman
Kan to la mo dan lazwa
Kan to pran mwan dan to lebra
Mo latet poze lor to leker
Kan to pran mwan dan to lebra
Mo latet poze lor to leker
Mo krwar ki mo inn fer pou boner
To ed mwan get laverite an fas
Mo kapav get mwan dan laglas
Avek seki mo ete to ranforsi mo lekperyans
Trap mo lamin pa larg mwan lesperans
+Jean Rex Casimir
Zedi 4 Fevriye 2016
No comments:
Post a Comment