Pou dimounn ki swazir twa ek reflexion.
To permet ki enn fami li forme,
E kil amour li atenn so some.
La kot de vinn enn,
E kot kapav partaz lazwa kouman lapenn.
Lavi maryaz li bien zoli,
Kan nou permet ki sak zour lamour grandi.
Maryaz se enn simin ki menn ver leboner,
Kan nou swazir li, bizin fer li vek nou leker.
Dan enn sel lavwa de dimounn dir wi,
Wi pou viv ansam e pou transmet lavi.
Maryaz se vokasion par exselans,
Seki reponn lapel bizin kapav fer li dan konfians.
Dan lavi maryaz pa zis enan fet,
Parfwa kapav mem enan tanpet.
Pour le meyer, pour le pir,
Zot avanse ansam ver lavenir.
Dan lamour ek laverite zot rann temwaniaz,
E bienere bann ki swazir ek viv fidel dan lavi maryaz.
+ Jean Rex Casimir
22 Oktob 2011
No comments:
Post a Comment