Mo demann pardon avek limite ek simplicite,
Pou sak fwa kot mo pa’nn rann lezot ere.
Parfwa san ki mo pe panse mo kapav inn dir bann parol blesan.
Mo bizin sirman inn dezar rod fer seki nou dir linteresan.
Defwa mo pa’nn pran lapenn pou rod konpran lezot,
Zordi fransman mo rekonet ki li antierman mo fot.
Mo bann kamarad ki mo kontan avek boukou lamour,
Mo demann zot pardon pou mo bann gran diskour.
Par mo panse ek mo bann aksion mo pann touzour fer lezot plezir,
Parey kouman zot mo’nn les mwa dirize par mo bann move dezir.
Tro souvan mo rod fer lezot aksepte mo lopinion,
Avek limilite e simplisite mo demann zot pardon.
Seki mo dir ek seki mo fer pa’nn touzour al dan mem direksion,
E la dan mo lavi parfwa pa inn enan okenn koesion.
Olie fer la pe mo sem sem la divizion,
Pou mo mank sinserite mo demann pardon.
Mo konin ki mo paret bet, me mo pa per pou viv onet.
Tro souvan dan lavi nou lek zis fer fet.
Mo sir ki pardon li enan enn gran pouvwar,
Me li pas ousi difisil ki nou krwar.
Li pa fasil pou pardone,
Me kan enan pardon enan rekonsiliasion.
Kan nou pardone nou santi nou leker pli leze,
Avek limilite ek simplisite mo demann pardon.
+Jean Rex Casimir
10 septam
No comments:
Post a Comment