Mo zis enn mesaze

Mo zis enn mesaze

Kan mo pran letan pou reflesi,

Bann zoli panse vinn dan mo lespri.

Mo ena boukou pou dir,

Mo zis ena pou fwiy dan mo souvenir.

Mo’nn viv boukou lexperians,

E touzour mo’nn konbat liniorans.

Mo anvi donn zot tou zot sans,

E mo sir ki zot merit mo konfians.

Par mo action, mo panse ek mo parol,

Enan bokou ki konpran ki mo rol.

Me les mo dir zot avek zenerozite,

Ki mwan mo zis enn mesaze.

Mo lavi se mo mesaz,

E mo pa pretann ki mo enn gran saz.

Mo ena bokou pou dir,

Me mwan mo sir nou tou nou merit enn fitir.

Mo rol se aprann de sekinn pase, viv dan le prezan e prepar lavenir.

Mo bizin koze, pa res trankil e sa li enn vre laventir.

Mo la pou mars lor simin laverite,

Kan enan linzistis mo bizin denonse.

Seki anvi swiv mwa, avek imilite mo pou aprann avek zot,

E zamin mo pou ampes zot swiv enn lot.

Mo kontan avek lezot reflesi lor lavi,

E mo kone mo form parti enn gran fami.

Mo’nn konn gro lapli e mem gro siklonn,

Me tou sala pa in fer mwa fonn.

Mo enan bokou pou fer,

Mo enan bokou pou dir.

Mo an pe kan enan linite ant seki mo dir ek seki mo fer,

Bokou pa pou konpran parski zot pale sanz zot leker.

Mo zis enn mesaze, mo la pou sem lape,

Mo espere kan mo ale, tou seki inn swiv mwa zot pou ere.

+Jean Rex Casimir

12 septam